|
|
|
|
|
За реализацијата на повеќенаменскиот хидросистем "Злетовица" изготвена е целокупната инвестициско-техничка документација. Во неа беа вклучени еминентни проектански фирми од Република Македонија (ЕМО-ХЕП - Скопје и Завод за водостопанство на Република Македонија - Скопје). Kапитален повеќенаменски проект, Хидросистем ˝Злетовица˝ е планиран да се реализира во фази и тоа: I фаза. Објекти за водоснабдување:
Проектот Хидросистем "Злетовица" е веќе во фаза на реализација и до сега се реализирани следниве активности: Со потпишување на Договор за заем XI/2003, помеѓу Владата на Република Македонија и Јапонската банка за меѓународна соработка (JBIC), е одобрен Јен-кредит со поволни услови: рок на враќање 25 години, камата 1,5 % и грејс период од 7 години. Јен-кредитот обезбедува 80 % (82 милиони $ USA) од потребните средства за изградба на I фаза од ХС ˝Злетовица˝, а останатите средства во наредните пет години сукцесивно се обезбедуваат од сопствени извори-Буџет на Република Македонија во износ од 21,23 милиони $ USA. Со изборот на Јапонската консултантска компанија PCI и потпишувањето на договор за консултантски услуги XI/2004 година, отпочната е имлементацијата на проектот ХС ˝Злетовица˝ во I фаза. Према утврдената динамика од страна на консултантот, во првите шест месеци од 2005, интезивно се работи на ревизија на постојаната техничка документација и нејзино дополнување. По овој период доаѓа период на припремање на тендерска документација за распишување на меѓународен тендер за избор на изведувач на работите и отпочнување со градба во IX/2006 година.
Експропријацијата на земјиштето каде што ќе се наоѓа телото на браната , акумулационото езеро, позајмиштето на камен, станбената населба, доводен цевковод со зафат на Кучешка река и пристапниот пат до брана ˝Кнежево˝ е 99 % завршена, не е завршена целосно поради нерасчистени имотно-правни односи. Отпочнато е испитувањето и санацијата на старата делница со должина од 3,3 km, од вкупната должина од 19,0 км, на доводниот цевковод за водоснабдување на Пробиштип и Злетово Во тек е дозавршување на пристапниот пат од Злетово до брана ,,Кнежево,, во должина од 19,8 км комплетно со асфалтирање со должина од 9,0 km, за кое се обезбедени средства од Јен-кредитот. Како ЈП ХС˝Злетовица˝ одговорна за режимот на водите во река Злетовска и према упатствата на SAPROV тимот од JBIC сме обврзани да изградиме лимниграфска станица за хидролошките мерења на збирни протоци на Злетовска река. Досега е завршена изградбата на лимниграфска станица, преостанува набавка и монтажа на потребната опрема. Поради потребата од комуникациско поврзување на објектите на ХС ˝Злетовица˝ (водозафат за Пробиштип и Злетово водозафат за Штип, Свети Николе, Карбинци и Лозово, Водозафат за Kратово, командна кула и сл.) кое ке се изврши со фибер-оптички кабел. За таа цел е завршена набавката, на голем дел и поставувањето на заштитното црево, потребно за вметнување на фибер-оптички кабел на трасата од Злетово до брана Кнежево во должина од 20 км. Министерството за земјоделие, шумарство и водостапанство распиша меѓународен тендер за учество за Проект за унепредување на Хидросистемот ˝Злетовица˝. Тендерот е за избор на изведувач за:
Пакет 2: Брана и придружни објекти 1.Камено-насипна брана со асфалт бетонско јадро (дијафрагма) -Максимална висина на браната 85 m -Вкупен волумен на насипот 1.700.000 m3 2. Отпочен тунел за реката со должина 320 m и дијаметар 3,4 m 3. Темелен зафат и затворачница на D=2,0 m челична цевка 4. Преливникот е чахтено колено, со тунел со D=3,8 m кој завршува со брзоток и констукција на ски-скок 5. Период на изведба: Три години, од август 2006 до август 2009 година.
Постапката за избор на изведувачот на работите е целосно завршена и за изведувач на работите од Пакет 2: Брана и придружни објекти, е избран конзорциумот "Бетон" и "Гранит" – Македонија Пакет 3: Зафати и водоснабдителни цевководи 1. Зафати - Изградба на зафат број 1 - Изградба на зафат број 3 - Реконструкција на зафатот за водоснабдување на Кратово. 2. Транспортни цевководи за сирова вода до Свети Николе и Штип, со вкупна должина од 58,6 км и внарешен дијаметар на цевката од 850 до 460 mm.
Постапката за избор на изведувачот на работите е целосно завршена и за изведувач на работите од Пакет 3: Зафати и водоснабдителни цевководи, е избран ФЗЦ"11 Октомври" во конзорциумот со "Бетон" и "Гранит" – Македонија.
|
