|
|
|
|
|
Република Македонија е мала европска земја, која се наоѓа во јужниот дел од Балканскиот Полуостров. Македонија како географско-природна целина сеуште е зачувана и здрава еколошка средина, со умерено континетална клима во својот северен дел и со медитеранска клима во јужниот дел на државата.
Македонија изобилува со економски потенцијали и развиена стопанска стуктура, современ комуникациски систем, но и природни реткости и убавини, вредни археолошки локалитети, манастири и цркви со единствен фреско-живопис и икони, во која живеаат и работат мирољубиви, гостопримливи и вредни луѓе. Земја со богата древна култура, но и светски достигнувања во современата уметност и култура, поради што често оваа мала и убава земја, го носи епитетот-"Бисер на Балканот". Хидросистемот "Злетовица" се наоѓа во североисточниот дел на Република Македонија и покрива област од 223.000 Ха. Средишниот дел на оваа зона е претежно со мали планини и широка речна котлина. Северниот дел од оваа област е со планини кои се граничат со Осоговските Планини, додека јужниот дел е претежно со котлини. Оваа област има Континентална клима со примеси на Медитеранска клима. Се каректеризира со суви и долги лета, со високи температури и кратки и благи зими. Просечни годишни врнежи во регионот се 500 mm. Овој регион покрива повеќе од 100.000 жители во општините Кратово, Пробиштип, Свети Николе, Лозово, Штип и Карбинци. Главна дејност на жителите е земјоделство, сточарство, рударство и индустриско производство.
|
